Vrasja e 27-vjeçares italiane/ Del autopsia, e reja u godit tetë herë me thike nga ish-i dashuri shqiptar, para se ta vriste…

Detaje të reja dalin nga vrasja e 27-vjeçares italiane e cila u masakrua me thikë nga ish-i dashuri i saj shqiptari nga Kosova, Bujar Fandaj. Mediat italiane raportojnë se është bërë publike autopsia e Vanessa Ballan.

Ekzaminimi zbuloi ajo është qëlluar tetë herë me thikë, dy goditje i kanë dëmtuar të dyja mushkëritë, ndërsa fatale ka qenë një tjetër në zemër.

E reja, e cila ishte në pritje të fëmijës së saj të dytë përpara se të masakrohej me thikë ishte rrahur. Gjithashtu u konstatuan mavijosje në kokë dhe fytyrë, si dhe plagë mbrojtëse në duar, siç rezultoi tashmë nga këqyrja e kufomës.

Vrasja është kryer me një thike 20 centimetra e gjatë. Vanessa vdiq shumë shpejt, sipas mjekëve që kryen autopsinë.

Kujtojmë që krimi ndodhi disa ditë më parë ku 41-vjecari nga Kosova nuk arrinte ta pranonte ndarjen nga partnerja italiane me të cilën kishte pasur një histori të shkurtër dashurie shkruajnë mediat italiane.

Ai prej një viti e përndiqte 27-vjeçaren duke e kërcënuar se do ta vriste dhe do t’i tregonte bashkëshortit videot intime nëse nuk rikthehej me të.

E reja italiane e denoncoi në polici më 26 tetor por asnjë masë nuk u mor ndaj 41-vjecarit. Pas denoncimit u duk sikur situata u qetësua, kjo pas kontrollit të policisë në shtëpinë e tij.

Prokuroria deklaronte se nuk kishte prova për të arrestuar 41-vjecarin pasi mesazhet kërcënuese ishin fshirë nga celulari i 27-vjecares për mos i parë bashkëshorti i saj. Ata raportonin se ishin duke hetuar mbi çështjen.

USA Italian Dental Clinic