News

Kryetarja e LSI nuk ia di për nder PS për arritjet e saj dhe bashkëshortit në politikë dhe qeverisje. Monika thotë se kjo parti i kishte marrë rininë, e kishte pjekur që në rininë e hershme, madje i kishte mohuar dhe të bërit da.shuri.
Në vend që të bënte da.shuri, dilte në protesta duke thirrur “Lironi Fatos Nanon nga burgu”.

Meta e Monika ia kanë ndjerë aq shumë lezetin PS dhe pushtetit të saj, dhe s’janë të vetmit, sa tani “notojnë” në pasuri përrallore dhe nuk dinë ku i kanë shtëpitë, bizneset e paratë, aq shumë kanë para të vëna përmes ab.uzimit
Kryetarja e LSI Monika Kryemadhi herë pas here i rikthehet kohës kur ka qënë një ndër politikanet më aktive në radhët e Partisë Socialiste. Dhe jo pak eci para! Mbërriti të jetë jo vetëm nënkryetare e kryetare e FRESSH por dhe anëtare e KPD e deputete e PS.Megjithatë, kur vjen puna dhe flet për jetën e saj, nuk lë pa përmendur disa pengje të mëdha në jetë, sikurse rrëfen dhe elementë të rëndësishëm që kanë ndikuar në ecurinë e jetës së saj.

Sikletin më të madh me sa duket ka pasur mbiemrin, teksa ka ndryshuar statusin e jetës, duke u celebruar në martesë me Ilir Metën. Por këtë ngurrim ia ka hequr pikërisht bashkëshorti i saj, teksa i ka thënë që të mbajë mbiemrin e saj të vajzërisë dhe atë mban dhe sot e kësaj dite.

Kryemadhi rrëfen se Iliri e njohu karakterin e saj dhe s’donte ta vinte në pozitë të vështirë duke e “detyruar” të merrte mbiemrin “Meta”.
“Ilir Meta e ka thënë i pari kur më pyetën në gjendje civile se cilin mbiemër do të mbaja, ma lehtësoi mua. Unë kam hyrë në PS, 5 minuta para Metës, jemi takuar për herë të parë në zyrën e Musa Ulqinit në nëntor 1991 dhe atje kemi filluar angazhimin tonë për takimin kombëtar të FRESSH-it më 15 janar 1992. Që këtej kanë filluar në mënyrë natyrale ma.rrëdhëniet, përplasjet, grindjet, debatet, intrigat politike brenda një forumi rinor, derisa erdhi një moment që në janar të 1994-s kurorëzuam puthjen e parë”, rrëfehet me sinqeritet Monika.

Por kur ka ardhur puna për të treguar nëse i kanë borxh PS si familje për ngjitjen e tyre në politikë, Monika thotë se jo vetëm që nuk i kanë asnjë borxh pasi çdo gjë e kanë arritur me punë e përpjekje me djersën e ballit, por është PS ajo që u ka borxh.

Dhe këtu kryetarja e LSI, në kushtet e sinqeritetit të thellë shprehet se Partia Socialiste i kishte marrë rininë, e kishte pjekur që në rininë e hershme, madje i kishte mohuar dhe të bërit dashuri. Madje këtu bën fajtor Direkt Fatos Nanon, megjithëse ish kreu i PS ishte në burg në kohën për të cilën bën fjalë Monika që e paska kufizuar në shijimin e jetës së saj rinore.

“Edhe PS më ka ca borxhe të tjera. Seps në vend të bëja dashuri si gjithë moshataret e mia bëja mitingje: “Lironi Fatos Nanon”. Kështu që jemi të larë”, është shprehur Monika.
Në të vërtetë, Ilir Meta dhe Monika Kryemadhi ia kanë ndjerë aq shumë lezetin PS dhe pushtetit të saj, nuk janë të vetmit për hir të së vërtetës, sa tani ‘notojnë’ në pasuri përrallore dhe nuk dinë ku i kanë shtëpitë, bizneset e paratë aq shumë kanë. Para të vëna përmes abuzimit me pushtetin!/Pamfleti