Blendiana Mura është vajza nga Vlora, e kthyer në trend në Tik Tok. Kjo pasi ajo poston vazhdimisht video të këndshme me partnerin e saj nga Gana, Michael Akromah.

Në një lidhje me Skype për “ABC e Mëngjesit”, çifti tregoi historinë e tyre të dashurisë. “Jemi njohur në Venecia. Faktikisht ai dilte me një shoqen time, unë e pashë me kete shoqen time dhe i thashë komplimenti.

Edhe pastaj ky nuk ma vari fare, dhe dilnim vetëm si shokë. Pas një viti kërkova nëpër Instagram dhe nuk e gjeta, por e gjeta në Tik Tok.
I shkruajta, nga ajo që ky është DJ dhe kërcen, po shikoja mos kishte ndonjë video duke kërcyer dhe e pyeta ku i kishte videot, ky nuk ma vari prap”, rrëfeu Blendiana.

Më tej, dyshja zbuloi se jetojnë larg njëri-tjetrit për shkak të punës dhe Michael është detyruar të udhëtojë 7 orë.

“Ne aktualisht jetojmë në qytete të ndryshme për shkak të punës së Michael. Ai udhëton 7 orë, më takon dhe pastaj ikën ditën tjetër. Ne gjithashtu, kemi një vajzë të quajtur Kylie”, zbuloi Blendiana.