Detaje të reja kanë dalë në lidhje me vrasjen e Liridona Murselit, me organizator bashkëshortin e saj dhe dy persona të tjerë. Murseli dyshohet se ka premtuar 30 mijë euro për vrasjen e bashkëshortes, ku sipas burimeve të Express Naimi ka dhënë 15 mijë euro paraprakisht, edhe pagesa tjetër do të bëhej pas vrasjes.

Një detaj tjetër i panjohur tregon se Naimi dhe Liridona kishin bërë një kërkesë për divorc përpara autoriteteve suedeze në Janar në 2019. Divorci ende nuk ishte marrë në konsideratë pasi gjykata ka qenë duke u shqyrtuar afatet dhe ka pritur konfirmimet nga palët.

Gjykata e Qarkut të qytetit Uddevalla më 24 shkurt të vitit 2020 kishte marrë vendim për të pushuar çështjen nga procedimi i mëtejshëm.

Familja Murseli dyshohet se u përballën fillimisht me disa grabitës, të cilët u morën sendet me vlerë dhe më kanë qëlluar me armë. Njëri nga plumbat ka prekur 33-vjeçaren, Liridona Murseli duke e lënë të vdekur në vend. Kjo ngjarje ka tronditur jo vetëm familjen Murseli, por të gjithë opinionin publik. Policia njoftoi se dhe hetimet tashëm kanë nisur për të zbardhur rrethanat dhe motivet e rastit. Naim Murseli, para zyrtarëve policorë për ngjarjen tragjike u ka thënë hetuesve se ndodhej bashkë me gruan dhe fëmijët në makinë, kur papritmas u kanë zënë pritë me një tjetër automjet disa grabitës, të cilët i grabitën.

Murseli u ka thënë hetuesve policorë se grabitësit fillimisht u kanë kërkuar gjërat me vlerë, duke marrë paratë dhe telefonat. Ai është shprehur se në këtë situatë të tmerrshme është detyruar të largojë fëmijët nga makina, por aty mbeti bashkëshortja e cila u vra me armë zjarri. Autorët dyshohen të kenë qenë 2 persona.noa.al